Տոնուս-Լես դեղատուն (Երվանդ Քոչարի փող.)

«Տոնուս-Լես» ընկերությունը հիմնադրվել է 2000 թվականին և այս տարիների ընթացքում բարեհաջող գործունեության արդյունքում իր ուրույն տեղն է գրավել հայաստանյան շուկայում` որպես դեղագործական առաջատար ընկերություն։

«Տոնուս-Լես» ընկերությունը հանդիսանում է մի շարք աշխարհահռչակ դեղագործական ընկերությունների բացառիկ և պաշտոնական ներկայացուցիչը ոչ միայն Հայաստանում, այլ նաև Վրաստանում և Ղազախստանում։
Մեր ընկերությունն ակտիվ ներկայացուցչական գործունեություն ծավալող եզակի ընկերություններից է, որն իրականացնում է՝

• Շուկայի մշտադիտարկում (մոնիթորինգ)
• Շուկայի առաջխաղացում և զարգացում
• Նոր գաղափարների և ծրագրերի մշակում:

Մեր բարձրակարգ դեղագետների և մարքեթոլոգների արհեստավարժ աշխատանքի շնորհիվ ընկերությունը դարձել է անփոխարինելի միջնորդ՝ դեղորայք սպառողների և արտադրողների միջև։
2009թ.-ից ընկերությունը տեղափոխվել է նորակառույց, համաշխարհային GDP (Good Distribution Practices) ստանդարտներին համապատասխանող շինություն:

Շինությունը հագեցած է ժամանակակից սարքավորումներով, աշխատասենյակները հարմարավետ են, կոնֆերանս-սրահը՝ ընդարձակ, պահեստային հատվածը՝ մեծ ու լուսավոր, իսկ ահա ձմեռային այգին, որը նախատեսված է ոչ միայն տարբեր ընդունելությունների, այլև հանգստի համար իդեալական գոտի է: Այս ամենը ստեղծում են այն նպաստավոր պայմանները, որոնք անհրաժեշտ են արդյունավետ աշխատանքի համար:

2010թ.-ին «Տոնուս-Լես» ընկերությունը Օքսֆորդում կայացած Եվրոպայի Բիզնես Գագաթնաժողովի կողմից արժանացավ «Եվրոպական Որակ» պատվաբեր մրցանակին, որը տրվում է այն կազմակերպություններին, որոնք բազմիցս ապացուցել են իրենց կողմից տրամադրված ծառայությունների բարձր որակը:

Սույն անվանակարգի առաջադրումը հիմնվում է Եվրոպայի Բիզնես Գագաթնաժողովի կողմից ծավալված հետազոտությունների վիճակագրական տվյալների հիման վրա:

Նույն թվականին ընկերությունը ձեռնամուխ եղավ կառուցել և շահագործման հանձնել միջազգային չափանիշներին համապատասխանող «Էֆ Դի Էյ Լաբ» սննդի և դեղերի փորձարկման լաբորատորիան (www.fdalab.am):
2014 թվականի դեկտեմբերի 8-ին «Տոնուս-Լես» ՍՊԸ-ի արտադրանքի սերտիֆիկացման մարմինը հավատարմագրվել է ՀՍՏ ԻՍՕ/ԻԷԿ 17065-2013 ստանդարտի պահանջներով և ստացել հավատարմագրման վկայագիր № 006 / Տ-006 (08.12.2014 - 08.12.2017):

«Տոնուս-Լես» ՍՊԸ-ի արտադրանքի սերտիֆիկացման մարմինը այսուհետ իրավասու է իրականացնել արտադրանքի սերտիֆիկացում հավատարմագրման ոլորտի շրջանակներում (22 ոլորտ՝ պարենային և ոչ պարենային արտադրանք):

«Տոնուս-Լես»-ը, ընդլայնելով իր գործունեության ոլորտները, իրականցնում է նաև պայմանագրային հետազոտական ծառայություններ:

Ընկերությունն իր ողջ պատմության ընթացքում առաջնորդվել է հետևյալ սկզբունքով. «Այն ինչ հնարավոր է կատարել այսօր, պետք է արված լիներ երեկ»: