«Արցախբանկ» ՓԲԸ-ն Հայաստանի Հանրապետության ռեզիդենտ բանկ է, որի առաքելությունն է` իր սպասարկման տարածաշրջանում աջակցությունը սոցիալական և տնտեսական արդյունավետ ծրագրերի իրականացմանը, փոքր և միջին բիզնեսի կայացմանն ու զարգացմանը:
«Արցախբանկ»-ը ունիվերսալ բանկ է: ԱՀ-ում այն իրականացնում է նաև ԱՀ պետական բյուջեի, ԱՀ կառավարության և այլ պետական մարմինների բանկային սպասարկում:
Բանկը հանդիսանում է «Արմենիան Քարդ» ՓԲԸ բաժնետեր եւ «ArCa» վճարային համակարգի լիիրավ անդամ, MasterCard International միջազգային վճարային համակարգի եւ SWIFT միջազգային փոխանցումների համակարգի անդամ:
Հանդիսանալով հուսալի գործընկեր` Բանկն իր հաճախորդներին է առաջարկում է ANELIK, Intel Express, MoneyGram, Unistream միջազգային դրամական փոխանցումների համակարգերը, որոնց շնորհիվ հնարավոր է արագ և ապահով, առանց հաշվի բացման ստանալ և ուղարկել գումարներ աշխարհի ցանկացած երկիր:
«Արցախբանկ»-ը, վերջին տարիներին լայնորեն համագործակցելով «Ազգային Հիփոթեքային Ընկերություն» ՎՎԿ ՓԲԸ-ի և «Բնակարաններ երիտասարդներին» ՎՎԿ ՓԲԸ-ի, Արցախի ներդրումային հիմնադրամի հետ, իրականացնում է նպատակային ծրագրեր, որոնց շրջանակներում անհատներին տրամադրվում են հիփոթեքային վարկեր մատչելի պայմաններով` բնակարանների ձեռքբերման և բնակարանային պայմանների բարելավման նպատակով:
Համաձայն ՀՀ Կենտրոնական Բանկի կողմից 23.12.2016թ. գրանցված «Արցախբանկ» ՓԲԸ Կանոնադրության` Բանկի կանոնադրական կապիտալը կազմում է 23,261,150,000 (քսաներեք միլիարդ երկու հարյուր վաթսունմեկ միլիոն հարյուր հիսուն հազար) ՀՀ դրամ:
Բանկի սպասարկման ցանցը ներառում է 22 մասնաճյուղ, որոնցից 15-ը գործում են Արցախում, 7-ը` Երևանում:
Բանկի աշխատակիցների թիվը առ 01.05.2017թ.` 514:
- See more at: http://www.artsakhbank.com/about-us.html#sthash.0f8MTtHw.dpuf